گوادر ڈویلپمنٹ اتھارٹی اور گوادر موٹر اسپورٹس کے زیرِ انتظام گوادر آف روڈ ریلی کے انتظامات مکمل کرلئے گئے

گوادر ڈویلپمنٹ اتھارٹی اور گوادر موٹر اسپورٹس کے زیرِ انتظام گوادر آف روڈ ریلی کے انتظامات مکمل کرلئے گئے ہیں منگل کو شروع ہوجائیگا، ملک بھر سے ریسرز اور تماشائی گوادر پہنچنا شروع ہوگئے ہیں اور شہر میں اس سال کے بڑے میگا ایونٹ کی گہما گہمی دکھائی دے رہاہے۔ گوادر آف روڑ ریلی میں 11 غیر ملکی، 10 خواتین اور 80 لوکل ریسرز سمیت کل 204 ریسرز قسمت آزمائی کریں گے۔ پہلی بار جیپ ریلی کے علاوہ موٹر بائیک ریس کے دو الگ الگ کیٹگری شامل کئے گئے ہیں۔ ڈھائی سو کلومیٹر پر مشتمل طویل ٹریک تیار ہوچکا ہے جو کہ کہیں ساحل سمندر کے کنارے اور کہیں صحرا، پہاڑ اور گوادر کے حسین قدرتی مناظر پر مشتمل ہے۔ جی ڈی اے کے زیر انتظام گوادر آف روڑ ریلی انٹرنیشنل لیول کا ایونٹ ہے جسکی شاندار و کامیاب انعقاد یقینی بنانے کیلئے ضلعی انتظامیہ، ڈسٹرکٹ پولیس، گوادر پورٹ اتھارٹی، سیکیورٹی اداروں سمیت گوادر کے تمام سول و ملٹری اداروں کا بھرپور تعاون حاصل ہے۔ افتتاحی اور اختتامی تقریبات میں اعلیٰ سطح کے حکومتی شخصیات شریک ہونگے۔ جبکہ ریسز کے علاؤہ تقسیم تقریب انعامات، میوزیکل نائٹ، اتش بازی سمیت دیگر کئی دلچسپ رنگا رنگ پروگرامز شامل ہیں۔ ایونٹ کے تمام سرگرمیوں میں مقامی سطح پر لوگوں کی زیادہ سے زیادہ شمولیت کو یقینی بنانے کے لیے اقدامات کئے گئے ہیں۔ سال کے سب بڑے اور لوگوں کی پسندیدہ ایونٹ قریب آتے ہی ایران سمیت ملک کے مختلف حصوں سے ریسرز اور شائقین نے گوادر میں ڈھیرا ڈالا ہے۔ یہ ایونٹ گوادر کی معاشی، ثقافتی اور سیاحتی اہمیت کو اجاگر کرنے میں مددگار ثابت ہوگی اور آنے والے سیاح خوبصورت ساحل سمندر، صحرا، ڈھلوان پر مشتمل منفرد ٹریک اور پُرامن ماحول مقامی لوگوں کے فن و محبت سے لطف اندوز ہونگے۔ جس سے مقامی سطح پر ٹورزم بڑے گی اور لوگوں کو معاشی طور پر فائدہ حاصل ہوگا۔