جی ڈی اے کے وفد کا انسٹیٹیوٹ آف اسٹریٹیجک اسٹڈیز اسلام آباد کا دورہ، ترقی و تحقیق کے نئے امکانات پر تبادلہ خیال، جی ڈی اے پاک چائنا فرینڈشپ ہسپتال سی پیک کا ایک شاندار منصوبہ ہے جہاں روزانہ سینکڑوں لوگوں کو اعلیٰ و معیاری طبی خدمات مفت فراہم کی جارہی ہیں، سی پیک کے ناقدین بھی اس عظیم عوامی منصوبے کے متعرف ہیں، شفقت انور شاہوانی
گوادر/اسلام آباد۔ 8 فروری 2025

گوادر ڈویلپمنٹ اتھارٹی کے ڈائریکٹر جنرل شفقت انور شاہوانی کی سربراہی میں ایک اعلیٰ سطحی وفد نے انسٹیٹیوٹ آف اسٹریٹیجک اسٹڈیز اسلام آباد کا دورہ کیا ڈائریکٹر آئی ایس آئی ایس ڈاکٹر طلعت شبیر ، ریسرچ فیلو اسداللہ خان اور دیگر کے ساتھ تفصیلی میٹنگ ہوئی، اس موقع پر وفد کو ملک کے اس نامور پالیسی ادارے کی جانب سے کی جانے والی تحقیق اور شائع شدہ مطالعات پر تفصیلی بریفنگ دی گئی۔
اس موقع پر ڈائریکٹر جنرل جی ڈی اے نے چین-پاکستان اقتصادی راہداری (CPEC) کے تحت جاری منصوبوں، خاص طور پر جی ڈی اے پاک-چین فرینڈشپ اسپتال کے مثبت اثرات پر گفتگو کی گئی۔ اس اسپتال کی بدولت مکران کے ہزاروں مستحق مریضوں کو جدید اور معیاری طبی سہولیات مفت فراہم کی جا رہی ہیں، سی پیک منصوبوں میں ہسپتال اورپاک چائنا ٹیکنیکل انسٹی ٹیوٹ کے ثمرات عوام تک پہنچ رہے ہیں جو کے سی پیک کے شاندار عوامی منصوبوں میں شمار ہوتا ہے۔ سی پیک کے ناقدین بھی ان منصوبوں کے متعرف ہیں۔
جی ڈی اے اور انسٹیٹیوٹ آف اسٹریٹیجک اسٹڈیز نے باہمی اشتراک سے ایک تحقیقی پلیٹ فارم کے قیام پر اتفاق کیا، اور باہمی تعاون کے یاداشتوں پر دستخط کئے، جو خطے میں ترقیاتی منصوبہ بندی کے لیے رہنمائی فراہم کرے گا۔ اس پلیٹ فارم کا بنیادی مقصد مقامی آبادی، خصوصاً نوجوانوں اور خواتین کی امنگوں کو ترقیاتی پالیسیوں میں شامل کرنا ہے تاکہ پائیدار اور متوازن ترقی کو یقینی بنایا جا سکے۔
اس موقع پر بلو اکانومی کے بے پناہ امکانات پر بھی تفصیلی تبادلہ خیال ہوا۔ سمندری وسائل کو بروئے کار لاتے ہوئے خطے میں معاشی ترقی کو فروغ دینے کے حوالے سے مختلف امکانات پر غور کیا گیا، جس سے مقامی افراد کے لیے روزگار کے مواقع بھی پیدا ہوں گے۔
اس دورہ سے جی ڈی اے اور انسٹیٹیوٹ آف اسٹریٹیجک اسٹڈیز کے درمیان ایک مثبت اور تعمیری تعاون کیلئے اہمیت کا حامل ہے، جو مستقبل میں خطے کی ترقی اور تحقیق کے فروغ میں مددگار ثابت ہوگا۔