پبلک ہائیر سکینڈری اسکول گوادر مکران ڈویژن میں اپنی نوعیت کا واحد ادارہ ہے جو باقاعدہ اپنے سالانہ ترتیب دئیے گئے پروگراموں پہ عمل پھیرا ہے۔خواہ وہ تقریری مقابلے ہوں، سائنسی مشاہدے ہوں یا آل پاکستان طالب علموں کے لیے مطالعاتی دورے ہوں منعقد کرتا آرہا ہے۔
ضلع بھر میں اپنی نوعیت کا یہ بورڈنگ اسکول اپنے وجود میں آنے سے اب تک کئی ہیرے تراش چکا ہے۔جس کے معمار ملک بھر میں اپنے فرائض احسن طریقے سے انجام دے رہے ہیں اور قوی امید ہے یہ سلسلہ اسی طرح قائم ودائم رہے گا۔۔
پرنسپل صاحب کی جانب سے ہرسال اسکول کے درس و تدریس سے منسلک اساتذہ کے علاوہ اسکول میں کام کرنے والے غیر تدریسی عملے کو ایک پکنک دی جاتی ہے جس کا مقصد یہ ہوتا ہے کہ ایک آزاد خوشگوار اور پرلطف ماحول میں ادارے میں کام کرنے والے اپنے تاثرات کا بلا چون و چراں اظہار کرسکیں۔
ہر سال کی طرح اس سال بھی اساتذہ کی فرمائش پر پرنسپل صاحب کی جانب سے مورخہ 28 ستمبر 2024 کو ایک پکنک کا اہتمام کیا گیا اور طلباء کو پیشگی تعطیل کی اطلاع دی گئی۔
پکنک کے لوازمات کی ذمہ داری ہاسٹل میں مقیم بچوں کے قیام و طعام پہ معمور ہاسٹل کے میس انچارج کو سونپی گئی۔اور اساتذہ بشمول پرنسپل متعین کیے گئے مقام پر پہنچ گئے۔
چونکہ ہمارا مقصد بحث و تمحیص اسکول میں بہتری لانے کا حصول تھا۔اس لیے تمام اساتذہ نے مختلف امور پر دلائل دئیے اور اپنی کمزوریوں پہ نظر ثانی کرتے ہوئے بہتر حکمت عملیوں کو بروائے کار لانے کا ارادہ کیا۔اور خواتین اساتذہ نے کھانا پکانے پہ مامور عملے کا بھر پور ساتھ دیا۔اس موقع پر لطف اندوزی کے تمام مواقع ۔۔مزاح، مثبت طنز ۔۔۔تاش ۔۔۔موسیقی میسر تھے۔ شرکاء نے دل کھول کے اظہار کیا۔
اور آخر میں پرنسپل صاحب کے ساتھ ملکر یہ عہد بھی کیا کہ قوم کی معماروں کے مستقبل کے حوالے سے کسی بھی قسم کا سمجھوتہ نہیں کیا جائے گا۔
اور آخر میں یادگاری عکس کیمروں میں محفوظ کرنے کے بعد یہ پروگرام اختتام پزیر ہوا۔
ہم تمام اساتذہ کرام بشمول اسکول کا دیگر عملہ پرنسپل راجہ امتیاز حسین کا شکریہ ادا کرتے ہیں کہ جنہوں نے ہماری لطف اندوزی کا سامان مہیا کیا اور ہماری ترجیحات کو سنا۔۔۔