گوادر ڈویلپمنٹ اتھارٹی اور بلوچستان موٹر اسپورٹس کے زیرِ انتظام گوادر آف روڑ ریلی کا اختتامی تقریب، مہمان خاص سینیٹر کہدہ بابر نے ریلی کے چمپئن جیئند بلوچ، رنر نادر مگسی، اسٹاک کٹیگری کے فاتح میر نواز دشتی سمیت مختلف کیٹیگریز کے پوزیشن ہولڈرز میں انعامات اور ٹرافی تقسیم کئے۔
چھ روزہ گوادر آف روڈ ریلی کے شاندار انعقاد کے اختتام پر اتوار کے شام باب بزنجو فٹبال اسٹیڈیم میں اختتامی تقریب کا انعقاد کیا گیا۔ جس میں ڈائریکٹر جنرل جی ڈی اے داؤد خان خلجی، کمشنر مکران سعید عمرانی، ڈی آی جی پولیس مکران مسرور عالم کولاچی، ڈپٹی کمشنر گوادر اورنگزیب بادینی، ایم جیڈا وقاص لاسی، ، اے ڈی سی ریونیو گوادر ثنا مہ جبین عمرانی اور سی ایس او گوادر آف روڈ ریلی کے سی سی او طلحہ اقبال رئیس نے ریلی کے مختلف کیٹیگریز میں حصہ لینے والے ریسرز کی حوصلہ افزائی کرتے ہوئے ان میں انعامات تقسیم کیے۔
تقریب میں سرکاری اعلیٰ آفیسران، معززین شہر، ریلی میں شریک ملکی و غیر ملکی ریسرز سمت عوام کی کثیر تعداد نے شرکت کی۔
اور اختتام میوزیکل پروگرام کے ساتھ ہوا۔
گوادر آف روڈ ریلی کے شاندار انعقاد میں جی ڈی اے، بلوچستان موٹر اسپورٹس ، رئیس ایسوسی ایٹ کے ساتھ ضلعی انتظامیہ، گوادر پورٹ اتھارٹی ، ڈسٹرکٹ پولیس، سیکیورٹی فورسز سمیت گوادر کے تمام سول و عسکری اداروں کا بھرپور تعاون شامل رہا ہے۔
اختتامی تقریب کے مہمان خاص سینیٹر کہدہ بابر نے اظہار خیال کرتے ہوئے گوادر آف روڈ ریلی کے منتظمین کا شکریہ ادا کیا اور کامیاب ریلی کے انعقاد پر مبارکباد دی۔
انہوں نے کہاکہ گوادر کیلئے اعزاز اور خوشی کا مقام ہے کہ گوادر نے پچھلے ایک ہفتے سے ہزاروں لوگوں کی میزبانی کی اور مقامی لوگوں کو نہ صرف ایک شاندار قسم کا مثبت و صحت مند تفریحی ماحول ملا بلکہ سخت مقابلہ کا چمپئن بھی بن گئے جو کہ گوادر کے لیے خوشی اور فخر کا مقام ہے۔ امید ہے اندرون ملک اور بیرون ملک سے آئے ہوئے ہمارے معزز مہمان گوادر اور بلوچستان کا ایک مثبت تصور کے ساتھ اچھی یادیں ساتھ لیکر جائیں گے۔
جی ڈی اے اور رئیس ایسوسی ایٹ داد کے مستحق ہیں جنہوں نے گوادر کیلئے اتنا بڑا میگا ایونٹ لیکر ائے۔ امید ہے کہ یہ سلسلہ ہر سال چلتا رہے گا۔
انہوں نے مزید کہا کہ گوادر کی ترقی، خوبصورتی، کلچر اور سیاحت کو اجاگر کرنے کیلئے میگا ایونٹ کا انعقاد وقت کی ضرورت ہے۔ ملک بھر سے ہزاروں لوگ ایونٹ میں شریک ہوتے ہیں جسکا برائے راست فائدہ مقامی سطح پر لوگوں کاروباری صورت میں ہوتا ہے۔
