گوادر۔ 21 اکتوبر 2023
گوادر ڈویلپمنٹ اتھارٹی اور بلوچستان موٹر اسپورٹس کے زیرِ انتظام گوادر آف روڑ ریلی میں ہفتہ کے روز اسٹاک موٹر ریس اور ٹریل بائیکس ریس منعقد ہوے جس میں 26 موٹر کارز اور 15 ٹریل بائیکس نے قسمت آزمائی کی۔
ڈائریکٹر جنرل گوادر ڈویلپمنٹ اتھارٹی داؤد خان خلجی نے فلیگ اپ کرتے ہوئے ریس کا باقاعدہ افتتاح کیا۔
غیر حتمی نتائج کے مطابق آف روڈ ریلی کےمین راونڈ کے مقابلوں کے پہلے کٹیگری کے فاتح محمد نواز دشتی قرار پائے۔
موٹر کارز کا ٹریک 250 جبکہ ٹریل بائیکس کا ٹریک 40 کلومیٹر ہے جو کہ ناہموار، ریت کے چٹانوں اور سنسنی خیز مہم جوئی پر مشتمل ہے۔
گوادر آف روڈ ریلی کا آخری مراحلہ اتوار کو پریپئرڈ موٹر کار کیٹگری کا ریس ہوگا۔ اور اختتامی تقریب منعقد ہوگی جس میں مہمان خاص گوادر آف روڈ ریلی کے فاتحین میں پرائز تقسیم کریں گے۔
گوادر آف روڈ ریلی کے شاندار انعقاد میں جی ڈی اے بلوچستان موٹر اسپورٹس ، رئیس ایسوسی ایٹ کے ساتھ ضلعی انتظامیہ، گوادر پورٹ اتھارٹی ، ڈسٹرکٹ پولیس، سیکیورٹی فورسز سمیت گوادر کے تمام سول و عسکری اداروں کا بھرپور تعاون شامل ہے۔
