ڈائریکٹر ٹاؤن پلاننگ شاہد علی، ڈی جی معین الرحٰمن خان کو سنٹرل بزنس ڈسٹرکٹ اور اسپیشل اکنامک ڈسٹرکٹ سے متعلق بریفنگ دے رہے ہیں۔

گوادر کی معاشی ترقی کے نئے باب، سی بی ڈی اور اسپیشل اکنامک زون منصوبے کا جائزہ

سی بی ڈی میں گوادر ٹاور 300 میٹر بلندی کے ساتھ شہر کی پہچان بنے گا: ڈائریکٹر جنرل کو اجلاس میں بریفنگ

ڈی جی جی ڈی اے کو سی بی ڈی اور ایس ای ڈی منصوبوں پر تفصیلی بریفنگ، ترقیاتی کام تیز کرنے کا عزم

گوادر میں ٹیکس فری اکنامک زون اور سرمایہ کار دوست ماحول تشکیل دینے کی تجاویز شامل

گوادر سمارٹ پورٹ سٹی ماسٹر پلان کے تحت دو بڑے اقتصادی منصوبوں پر کام تیز کرنے کا عزم

سی بی ڈی میں فنانشل حب، آئی ٹی پارک، امیوزمنٹ زون اور کلچرل سینٹرز شامل ہوں گے
جی ڈی اے گوادر کو عالمی تجارتی مرکز بنانے کے لیے  پُرعزم ہے،  معین الرحمٰن خان، 

گوادر، 29 جولائی 2025
گوادر ڈویلپمنٹ اتھارٹی کے ڈائریکٹر جنرل معین الرحمٰن خان کو آج جی ڈی اے کے آئندہ معاشی و اقتصادی منصوبوں سینٹرل بزنس ڈسٹرکٹ (CBD) اور اسپیشل اکنامک ڈسٹرکٹ (SED) کے حوالے سے ڈائریکٹر ٹاؤن پلاننگ شاہد علی کی جانب سے تفصیلی بریفنگ دی گئی۔ اس موقع پر ان منصوبوں پر ہونے والی اب تک کی پیشرفت کا جائزہ لیا گیا اور مستقبل کی ترجیحات پر بھی گفتگو کی گئی۔
ڈائریکٹر جنرل نے کہا کہ یہ دونوں منصوبے جی ڈی اے  اور خاص کر گوادر سمارٹ پورٹ سٹی ماسٹر پلان کے فلیگ شپ پراجیکٹس ہیں جو گوادر کو علاقائی اور عالمی تجارتی مرکز میں تبدیل کرنے کی صلاحیت رکھتے ہیں۔
انہوں نے بتایا کہ سینٹرل بزنس ڈسٹرکٹ گوادر کے مغربی ساحل پر واقع 2580 ایکڑ پر مشتمل ہوگا، جہاں ایک جدید، کثیر المقاصد گوادر ٹاور تعمیر کیا جائے گا جو 300 میٹر بلند  اور شہر کی بلند ترین عمارت کے طور پر ابھرے گا۔ سی بی ڈی میں انفارمیشن ٹیکنالوجی پارک، فنانشل اور اکنامک حب، تفریحی و اسپورٹس کمپلیکس، کلچرل ایکسچینج سینٹرز اور  عالمی معیار کا امیوزمنٹ پارک بھی شامل ہوگا،جو گوادر کی معیشت کا ایک بڑا مرکز ثابت ہوگا۔
انہوں نے کہا کہ اسی طرح اسپیشل اکنامک ڈسٹرکٹ کو گوادر ماسٹر پلان کی رہنما اصولوں کے مطابق عملدرآمد جا رہی ہے جس سے  تیز ترین معاشی نمو اور مخصوص مدت کے لیے ٹیکس فری زون قرار دیا جائے گا۔ اس کا انتظامی سیٹ اپ بھی الگ ہوگا، جو سرمایہ کار دوست پالیسیوں اور مراعات پر مبنی ہوگا تاکہ مقامی و بین الاقوامی سرمایہ کاری کو فروغ دیا جا سکے۔
ڈی جی جی ڈی اے نے  مزید کہا کہ گوادر ڈیویلپمنٹ اتھارٹی پرعزم ہے کہ ان منصوبوں کے ذریعے نہ صرف روزگار کے بے پناہ مواقع پیدا ہوں گے بلکہ یہ شہر پاکستان کی معیشت میں ایک مرکزی کردار ادا کرنے کے قابل ہو جائے گا۔
اجلاس میں ان منصوبوں کے ڈیزائن، انفراسٹرکچر، سرمایہ کار دوست اقدامات اور قانونی فریم ورک کے مختلف پہلوؤں پر بھی تفصیلی تبادلہ خیال کیا گیا۔
جی ڈی اے کا وژن ہے کہ گوادر کو ایک جدید، پائیدار، اور عالمی معیار کا بندرگاہی و تجارتی شہر بنایا جائے، اور یہ دونوں منصوبے اس خواب کو حقیقت میں بدلنے کی جانب ایک اہم قدم ہیں۔اس موقع پر چیف انجینیئر حاجی سید محمد اور ڈپٹی ڈائریکٹر ٹاؤن پلاننگ عبدالرزاق بھی موجود تھے۔